ڕۆژا ئێکشەمبی ڕێـککــەڤتی (٢٠٢٥/٧/٢٠) ب ئامادەبوونا سەرۆکێ زانکۆیێ ڕێزدار (پ.د. دیار عبدالکریم سعید) و لگەلدا بەرێز (هێژا محمد توفیق) جێگرێ سەرپەرشتێ ئیدارا سەربەخۆیا زاخۆ و چەندین ڕێڤەبەرێن حکومی و ڕێڤەبەرێ سەنتەرێ پەرەپێدانا کاری و ستافێ کومپانیا Wedo یا هوڵەندی، هەروەسا دەزگەهێ ڕەوانگە و چەندین جهێن تایبەت ڕێورەسمێن دوماهیکا پرۆژێ (پێکڤە بۆ ئاڤاکرنا باژێرێ من) ل زانکۆیا زاخۆ بڕێڤەچوون.

هەژیە بێژین؛ پرۆژێ (پێکڤە بۆ ئاڤاکرنا باژێرێ من) پرۆژەیەکێ کارسازیە ب هەڤپشکی دناڤبەرا کومپانیا Wedo یا هوڵەندی و حکومەتا هوڵەندا بڕێڤەدچیت و ل پێنج زانکۆیێن هەرێما کوردستانێ ئەوژی زانکۆیێن (زاخۆ، کویە، هەڵەپچە، کەلار، ڕاپەرین) بڕێڤەدچیت و هەر زانکۆیەکێ پێنج گوروپێن قوتابییێن خودان پرۆژە لێ هەنە، ئەڤان گوروپان دەمێ پێنج بۆ شەش هەیڤان پرۆسەیەکا دیر و درێژ و پری کارسازی بڕیە، هزرێن خۆ یێن ئیناین و د پرۆسێ دا ب باشترین شێوە یێن دروستکرین، بۆ هندێ بشێن خزمەت و چارەسەریا هندەک ئاریشەیێن  ل باژێرێ وان هەین بکەن، داکو ژلایێ ئابووری ڤە باژێرێ وان بەرەڤ پێشڤە بچیت و ل پاشەڕۆژێ ئەو ببنە خودان کار ل باژێرێ خۆ و کارسازیێ ئەنجامبدەن، ل دوماهیێ پرۆژە هاتنە نیشاندان و باشترینێن وان هاتنە خەلاتکرن.
دهێتە زانین؛ ئەڤ کارێ هەڤپشکێ دناڤبەرا زانکۆیا و کومپانیا Wedo یا هوڵەندی ب ڕێکا سەنتەرێ پەرەپێدانا کاری ل زانکۆیا زاخۆ هاتیە ئەنجامدان، بۆ خزمەتکرنا قوتابیان و دەرئێخستنا شیانێن وان یێن کاری.